Ultimate Drive en Ultimate Lifestyle gaan groot!

Ultimate Drive en Ultimate Lifestyle gaan groot!

Ultimate Drive is bykans 5 jaar reeds ‘n bekende titel op die Wes Kaap se rakke. Die Motor koerant, gesetel in George, is die enigste alleenstaande motor publikasie in die Suid Kaap en word versprei van Plett in die Ooste tot Langebaan in die Weste.

Na die suksesse van Ultimate Drive was die titel Ultimate Lifestyle ‘n natuurlike uitvloeisel en ook die publikasie was uitstekend ontvang deur die leserspubliek. Die konsep van ‘n gratis gefokuste gemeenskap-koerant, hetsy vir Leefstyl of Motors, vind groot byval by beide adverteerders sowel as lesers.

As jonger sussie van Drive het Ultimate Lifestyle minder verskyn, bloot omdat die beskikbare personeel net soveel kon behartig. Hierdie tekortkoming is nou aangespreek en Ultimate Lifestyle spog nou met ‘n onafhanklike redaksie span, toegewyd om Lifestyle gereeld en propvol interessanthede na die publiek te bring, soos altyd, GRATIS!

Kyk uit vir die Ultimate Lifestyle voertuie, die Ultimate Drive toetsvoertuie, asook die Ultimate Lifestyle waentjie wat sal seker maak dat selfs die kampeerplekke oor die vakansie die twee gewilde titels beskikbaar sal hê.

Die span by Drive wens die span by Lifestyle alle voorspoed en sterkte toe. Sien julle op die rak!

Trailrider

Trailrider

Johann van Tonder is ‘n boorling van George met ‘n groot liefde vir die Suid Kaap, sy natuur en geskiedenis. As redakteur, joernalis, radio persoonlikheid en storieverteller leef hy hom uit in die wêreld van motors en motorfietse en bevind homself gereeld in verskillende dele van die land op die nuutste motor en motorfiets bekendstellings. Onder die vaandel Trailrider Media verskaf hy motor en motorfiets verwante inhoud aan koerante, tydskrifte en verskeie radiostasies. Wanneer hy tuis is verken hy graag die area se agterpaaie op sy ysterperd op soek na nuwe stories en verhale vir sy reis blog en druk-titel Ultimate Lifestyle.

Leave a Reply

Your email address will not be published. Required fields are marked *